BOQOR IYO SAAHID IS QABTAY.

-

Waa Saahid ku noolaa/daganaa Geed Hoostiisa, Geedka uu degan yahayna Waxaa uu ku yaala Qasriga uu boqorka wadankaa ka xukumo hortiisa, Boqorka marka uu hurdada kasoo Kacaba wuxuu arkaa qofkii saahidka ahaa oo cibaadaysanaya, wuu layaabi jiray markii dambe maalin ayuu u tagay Saahidkii wuxuuna dhahay "waxaan aad ula yaabay saahidnimadaada ee ma iraacee oo ma igula noolaanee qasrigayga? Qofkii Saahidka ahaa wuxuu ku jawaabay dhib malaha wan ku raacayaa. Boqorkii wuu yaabay, Oo sidee isagoo Saahid ah ku ogolaaday inuu ii raaco qasriga oo uu ku ogolaaday inuu  ku noolaado qasri?! Boqorkii ayaa u qaadan waayay ogolaanshaha uu ka ogolaaday inuu raaco! Kadib markii la keenay qasrigii ayaa waxaa la siiyay Qol wayn , Sariir iyana wayn oo tii raaxada ah iyo raashiin nooc kasta leh. Boqorkii ayaa arkay marka kale, wuxuu layaabay qofkaan Saahidka ah oo jiifa sariirtii la siiyay oo uusan dhulka seexanynin, cunayana Raashin kan ugu fiican,wuxuuna ku dhahay Su'aal baan ku waydiinayaa " sideed ku seexanaysaa sariirta ugu fiican, raashinka ugu fiicana ku cunaysaa adigoo Saahid ah?! Maxaa farqi ah inoo dhaxeeya aniga oo boqor ah Iyo adiga oo Saahid ah?! Ma dhici karto inaad sidayda oo kale u noolaatid!. Saahidkii ayaa wuxuu ku jawaabay waan kaaga jawaabayaa ee Ina keen aynu is raacnee. Qasrigii ayaa laga baxay, Magaaladiina waa laga baxay, Meel magaalada ka yera durugsan marka gaaray ayaa Saahidkii hadlay " Anigu waan Soo baxay qasrigana u noqon maayo ee adigu kawaran hadaad meeshan igula noolaatid?!  Boqorkii Aya ku jawaabay " Dabcan waa wax aanan dhici Karin inaan ka tago Qasriga. Ee maxay tahay dalabkaan qariibka ah" ? Saahidkii ayaa ku jawaabay waa kanaa farqiga aniga iyo adiga noo dhaxeeyo, anigu Dhibna Kuma qabo inaan Geed hoostiis ku noolaado iyo inaan Qasri ku noolaado midna, wax kasta oo igu dhacana waa Qadarta illaahay, Sidaa awgeed inaan Qasriga Ka tago dhiba uma arko.  Anigu waxaan ku noolaa Qasriga dhexdiisa, Qasriguna ma ahayn mid dhexdayda(qalbigayga) ku jira. Laakiin adiga Qasriga ayaa dhexdaada ku jira oo isaga ayaa kugu wayn isaga ayaana ku qaribay. 

Comments

Post a Comment

Popular posts from this blog

HOOYADAY HAL IL BAY LEEDAHAY !!

-
Hooyaday waxay lahayd hal Il keliya, Markii aan iskuulka dhigan jirayna waxaan aad u necbaa hooyaday, ishaas ay la’dahay darteed, waxaan necbaa inaan saaxiibaday jacelkooda ku waayo arintaas awgeed, waxaan necbaa marka ay caruurta kale ay wejiga hooyaday arkaan sida ay u kiraahaysan jireen! Iyadoo sidaas ay tahay hadana hooyaday waxay qaban jirtay Labo shaqo si ay u hormariso Qoyskaanaga, laakiin anigu waan ka xishoon jiray arrinkaas, ma aanan rabin in ay cidi igu aragto anigoo iyada la jira, mar kasta oo ay iskuulka igu soo booqatana waan iska qarin jiray si aan la iigu arkin meel iyada u dhow. Waayaha iyo maalmaha waxay isdhaafaanba, waxaa igu soo batay mowjado nacayb ah oo aan u qaaday haweenaydii (hooyaday) sababta u ahayd inaan iskuulka dhexdiisa saaxiibaday kula qoslo, daqiiqado yer oo xanaaq iyo nacayb isbiirsaday ayaa waxaan hooyaday ku iri: Inaad dhimatid fiicnaan lahaydaa! Isla marka aan saas leeyahay Dan kama lihi waxaa ay markaas dareemaysay. markii aan sii waynaadayna waxa...
Read more

QAYBTA 1-AAD DHAQAMADA AY AHAYD IN LA INOOGU DAYDO, LAAKIIN AYNU DAD KALE KA ARKAYNO!

-
 Guud ahaan aduunka waxaa ku nool dadyow Fara badan oo kala dhaqan, jaan iyo diinba ah, laakiin Marka loo eego dhaqankeena Soomaaliyeed, inta badan waxaa uu ku salaysanaa diinteena Islaamka. Hadaynu Ka istaagno xaqal taas Ka yera qaloocan, burburkii Ka dib waxaynu noqonay dad loo tusaale qaato dhaqamada xun xun, inkastoo weli ay jiraan dad barakaysan oo aan weli ka laaban dhaqankeena. 1- Qofka muslimka ah waxaa lagu yaqaanaa inuu yahay qof axdi/Balan leh, Nasiib Daro waxaad moodaa in soomaalidii dhaqankii ku salaysnaa Diinta ay ka talaabsatay, waxaynu caado Ka dhiganay inaynan dhowraynin balantu! Tusaale waxaad dad kula balamaysaa 1:00 duhurnimo, adigu waxaad ninkaas rabtaa inuu kuu yimaado 2:00Pm, Isaguna wuxuu ku mooday inaad ku darsatay labo saacadood oo wuxuu kuu yimaaday 3:00pm. Halkaas waxaa ku lumay waqti, is aaminaad iyo qayb ka mid ah Diinta! "لا إيمان لمن لا أمانة له ولا دين لمن لا عهد له" "Iimaan malaha Qofka aan amaano lahayn( aan la aamini karın) Diina ma la...
Read more

ADUUNYO AMA AAKHIRO

-
 Ninbaa u yimid Cali ibnu Abii Dhaalib RC wuxuuna waydiiyay "waxaan rabaa inaan ogaado qolada aan ku jira: ma dadka nolosha dambe(Aakhiro) jacel oo danneeya ayaan ka mid ahay mise kuwa adduunyada jecel oo danneeya? Cali (كرم الله وجهه) wuxuu ku yiri ninkii: jawaabtu adiga ayay ku jirtaa, Hadday labo qof kuu yimaadaan midi raba inuu ku caawiyo oo wax ku taro, midina adigaa kaa rabo caawimaad keebaad jeceshahay oo aad ku faraxdaa labadaas qof ? Hadii uu ku farxad gelinayo qofka wax kaa qaadanaya ee aad caawinayso waxaad tahay nin daarta Aakhiro jecel oo daneeya. Laakiin hadaad jeceshahay midka kuu yimaado si uu adiga kuu caawiyo wax kuu taro markaa waxaad tahay Reer aduunyo oo daartan adduunyo ayaad jeceshahay. Maxaa yeelay qofka adigu aad wax siiso wuxuu ajarkaaga u rarayaa Aakhiro, laakiin Kan ku siiya wuxuu kuu kordhiyay uun aduun.
Read more